Име на фирмата
Уникатен назив на деловниот субјект. Внеси го твоето посакувано име, а ние ќе провериме дали е истото слободно за употреба. Доколку е зафатено, од наша страна добиваш предлог имиња.

Адреса на фирмата
Физичка локација од каде компанијата ќе ги извршува своите главни деловни активности. Ова седиште ќе претставува и официјална поштенска адреса за комуникцаија со државните институции и други деловни субјекти.

Емаил адреса
Официјална адреса за електронска комуникација со државните институции. Емаил адресата мора да биде уникатна за оваа компанија, и досега неупотребувана во Централниот регистар.

Основач
Сопственик на фирмата кој одговара за деловниот субјект на еден од следниве начини – сопствен имот (ТП) или имотот на компанијата (ДООЕЛ и ДОО).

Управител
Одговорно лице (директор) поставено од страна на сопственикот, кое ги води сите деловни активности во фирмата – комуникација со банка, вработување на кадар, извршување на трансакции, потпишување на договори и сл.

Организациска структура
Одбери кој од трите облици на компанија е идеален за твојот бизнис – трговец поединец (ТП), друштво со ограничена одговорност на едно лице (ДООЕЛ) или друштво со ограничена одговорност (ДОО).

Дејност на фирмата
Секоја компанија има своја шифра на дејност. Преку краток опис кажи ни со што ќе се занимава твојата фирма, а ние ќе ја најдеме соодветната квалификација за истата.

Банка за соработка
Задолжително е фирмата да има деловна банка за соработка во која ќе ја отвори својата сметка и ќе ги врши своите економски активности.