Во Македонија можеш да избереш помеѓу еден од три облици за регистрирање на твојата фирма: ТП, ДООЕЛ и ДОО. Која од овие можности е вистинската за тебе?

Трговец поединец (ТП) е деловен субјект управуван од едно физичко лице кое одговара со својот сопствен имот. Најкористен е од страна на занаетчии, земјоделци, уметници, превозници, и сл.

Друштво со ограничена одговорност едно лице (ДООЕЛ) е деловен субјект управуван од едно лице кое одговара со имотот на компанијата.

Друштво со ограничена одговорност (ДОО) е деловен субјект кој претставува партнерство на две или повеќе лица кои одговараат со имотот на компанијата.

За основање на ДООЕЛ или ДОО е потребен сопственички влог од 5.000 евра во готовина или средства.

Не си сигурен кој облик на фирма е најсоодветен за твојот бизнис? Тука сме да ти помогнеме во вистинскиот избор за облик со кој успешно ќе ја лансираш твојата компанија. Нашето искуство ќе ти помогне во правилна одлука.

Како што е наведено во апликацијата која можеш да ја пополниш во следнава секција на овој сајт, потребни се неколку општи информации кои треба да се поднесат до Централниот регистар за да може фирмата да биде отворена.

Во тие податоци спаѓаат името на фирмата, физичката и електронската адреса за комуникација, име на основачот и управителот, обликот и дејноста на фирмата, како и деловна банка за соработка.

Доколку сакаш отворањето на фирмата да го направиме ние за тебе, и истовремено да те ослободиме од сите административни грижи, слободно пополни ја апликацијата за отворање на фирма на нашиот сајт, а ние ќе те контактираме во најбрз можен рок со конкретна понуда!

Со решение од Централниот регистар, твојата фирма официјално е отворена и подготвена за работа! Веднаш потоа, се отвора и официјалната банкарска сметка и се добиваат печатите за фирмата.

По започнување на работа на фирмата, почнуваат сите предизвици за кои е потребна стручна и експертска помош – почнувајќи од сметководство, даночни консултации, административни услуги и слично.

„Отвори фирма“ со својот квалификуван тим има решение за сите сегменти од работењето на твојот бизнис. Со сите наши економско-правни услуги и консултации кои ги нудиме, ќе го олесниме твојот целосен претприемнички пат.